Сыбайлас жемқорлықтың қоғамның барлық бастауларына, мемлекеттің барлық конституциялық негіздеріне қауіп төндіретіндігін, сонымен қатар  мемлекеттік жүйенің қалыпты қызметін бұзатындығын, мемлекеттік билік беделінің және мемлекеттік қызмет абыройының құлдырауына ықпал ететіндігі және оған қарсы күресті жалпыұлттық деңгейде жүргізу қажет екендігі Елбасы Н.Ә.Назарбаевтың жолдауында да атап көрсетілген.

Елбасымыз Н.Назарбаев Қазақстан Республикасында «Қылмысқа және сыбайлас жемқорлыққа қарсы күресті күшейту мен құқық қорғау қызметін одан әрі жетілдірудің қосымша шаралары туралы» Жарлық қабылдады. Сыбайлас жемқорлыққа қарсы іс-әрекеттердің, соның ішінде мемлекеттік қызмет қатарын «тазартудың» соны шаралары белгіленді.

Мемлекетімізде, сыбайлас жемқорлыққа қарсы іс-әрекет жүргізудің кең ауқымды бағдарламасы жүргізілген. Бұл жұмысқа мемлекеттік институттар, жұртшылық, партия атсалысуда.

Қазіргі кезде Президентіміздің бақылауымен Қазақстан Республикасының аумағында да сыбайлас жемқорлықпен  күрес жұмыстары қарқынды жүргізілуде деп айтуға болады.

«Алақай» облыстық қуыршақ театрында қазіргі күні өзекті тақырып сыбайлас жемқорлық бойынша Д.Исабековтің «Құстар фестивалі» спектаклі бар. Спектакль жас өскелең ұрпақ бойына жемқорлық сияқты зиянды дүниелерден аулақ болуға тәрбиелеп, тәлім береді.

Айнакөлдің жағасында патшалық құрған Бүркіт уәзірлерін жинап алып, орман ішіндегі барлық құстарды сәскеде жиналуын хабардар етуді бұйырады. Ондағы мәселе мәдениетке көңіл бөліп, құстар фестивалін өткізу болатын. Құстар ән байқауы туралы ести сала, бірден дайындыққа кіріседі. Байқаудан кім озады? Мыңнан тұлпар жүйріктер ме, әлде айла-амалдарын асырғандар ма? Патша Бүркіт пен қазылар алқасы қаншалықты әділ? Шындық шың басына оңайлықпен шыға қоймайтыны анық.

Театр сахнасында бұл спектакль 2016 жылдың қазан айынан бастап көрсетілуде. Бүгінгі таңда театр әртістері Д.Исабековтің «Құстар фестивалі» спектаклін көрсетуге  дайындық жұмыстарын жүргізіп жатыр. Аталған спектакль ағымдағы жылдың 28 қараша күні қазақ-түрік лицейінде қойылады және желтоқсан айында театр сахнасынан көре аласыздар.